قصة احد الزملاء مصروده في شعر

سلااام عليكم اخواني هذي ابيات تصف معاناه وقصه حقيقيه حصلت لي انا شخصيا

وتذكوووووووووووا دائما

كثيرا ماينقلب الامل الى الم واترككم مع القصيده

وفي انتظار ارائكم

يااهل الوفا عمري له الحزن مسكان@@العمر راح وجف دمع العيوني

عامين مستانس كما الحر شيهان@واليوم تشكي من دموعي جفوني

وآتل قلبي تلة أعواد الأغصان@@اللي بعد شربت مياه العيوني

جاها الدهر والريح مسرع وعجلان@@وطاحت من أسباب الزمان الغصوني

يابنت أنا قلبي من الهم مليان@@ياناااااااااااااس أنامحتاج صدرآ حنوني

لبنت عمي كنت عاشق وولهان@@يعني مابين أقواس((حبآ جنوني))

صارحتها بالحب والحب سلطان@@وقلت الصعب من شان عينك يهوني

رحنا نبي نخطب من العم سلمان@@وفرحت يوم أن أهلها موافقوني

قالو تبقى لك من الدرس عامان@@وبعد التخرج والعمل تملكوني

طلعت مستانس وبالحيل فرحان@@ماني مصدق!!صدق بيزوجوني؟

وحب البنيه زاد مافيه نقصان@@بصبر على العامين مهمايكوني

لكن ياعالم حدث قبل شهران@@جاني مرض بكلاي وأضلم بكوني

يوم عرفوا إني لي ايام مرضان@@تغيروا كن العرب مايبوني

اللي عشقته صار ضايق وزعلان@@وصارو جميع العائله يكرهوني

والسبه إني صرت عاجزوتعبان@@خابت ببنت العم كل الضنوني

قالوا لابوي إنا رفضنا ابنك الآن@@لان الكلى يأخذ طوال السنوني

والبنت قالت ماأبي شخص وجعان@@وصارو علي العائله يضحكوني

لأنني في وقتها طحت غشيان@@وآصيح ياذا الطيبين أرحموني

هذي نواة القلب من ماض الازمان@@تكفون ياهل الخير لاتحرموني

أنفذ شروطك ولوكان ماكان@@وأدفع عشانه ماورايه ودوني

أحاول أنساها ولاصار نسيان@@أحبها واليوم ليه تخوني

تزوجت واحد رجل حيل شبعان@@وزواجها زود علي الطعوني

ياما على شانه نغني بالالحان@@وياما سحرت أسماعها من فنوني

أناضميري صار للحزن ميدان@@وكل الهموم بداخلي يسكنوني

واليوم مستشفى الملك ليه أوطان@@إذا مرضت أروح ويعالجوني

أشد حيلي بتخرج على شان@@أطلع مدرس وأقهر اللي رموني

وتحياتي ادري انها كلمات بسيطه وقد لاترتقي للقوه الشعريه بس انا حبيت اسرد فيها احداث قصه وشكرررررررا

قصة حزينه جدااااااا الله يكون بعونك

الله يسلمك